الرئيسية > آش واقع > احتجاجات ف30 مدينة مغربية تخليدا لحركة 20 فبراير
19/02/2021 15:10 آش واقع

احتجاجات ف30 مدينة مغربية تخليدا لحركة 20 فبراير

احتجاجات ف30 مدينة مغربية تخليدا لحركة 20 فبراير

كود كازا//

كتوجد الجبهة الاجتماعية المغربية لتنظيم وقفات احتجاجية يومي 20 و21 فبراير بكل من 30 مدينة مغربية، إحياء للذكرى العاشرة من حركة 20 فبراير،

ونشرات الجبهة الاجتماعية المغربية لائحة فيها أسماء المدون والبلايص اللي غيكونو فيها الاحتجاجات، وحتى تاريخ الاحتجاج، بحيث غيكون ف20 فهذ الشهر فأغلب هذ المدون، وف21 فبعضها.

والجبهة الاجتماعية المغربية تأسسات غير هذي عام، كتتكون من أزيد من 30 تنظيم سياسي ومدني ونقابي، وكان سبق ليها دعات لوقفة احتجاجية شاركو فيها الآلاف فساحة ماريشال فكازا، العام اللي فات، إحياء لذكرى الحركة التاسعة.

والجمعية المغربية لحقوق الإنسان بدورها ساندات هذ الاحتجاجات ودعات ليها.

 

موضوعات أخرى

03/03/2021 21:00

ماكانتش مفاجآت كبيرة فدور ال 16 ديال كأس العرش.. الرجا والحسنية والجيش دازو لربع النهائي.. وكلشي كيتسنا ماتش الوداد و سريع واد زم