الرئيسية > تبركيك > احتارين مهدد بالقتل حيث كيبغي بنت!
02/08/2022 20:00 تبركيك

احتارين مهدد بالقتل حيث كيبغي بنت!

احتارين مهدد بالقتل حيث كيبغي بنت!

كود سبور//

كيواجه النجم الهولندي من أصول مغربية محمد احتارين اللاعب ديال أياكس أمستردام الهولندي تهديدات بالتصفية الجسدية، وهو الأمر لي أثر بشكل كبير على حياتو، حولو من عاشق إلى شخص مهدد بالقتل وهربان.

وكشفات وسائل إعلام هولندية، على أن محمد احتارين لاعب أياكس أمستردام مازال كيختفي على الأنظار، وكيحاول ما يمشيش للتداريب ديال فريقو وأيضا ما كيمشيش للمنزل ديالو بسبب التهديدات بالقتل لي تلقاها منذ مدة بحيث تقلبات حياة النجم إلى جحيم.

المصادر نفسها كشفت على ان الأمن الهولندي حضر اللاعب من زيارة الاماكن المعروفة، فالوقت لي وضحت فيه أن سبب هاذ التهديدات هو دخول احتارين في علاقة حب مع شابة وهي العلاقة لي رفضتها عائلة البنت وما تقبلاتهاش وملي وصلها خبر بنتهم وعلاقتها باللاعب، بدا احتارين كيتلقى تهديدات بالقتل والتصفية الجسدية، وهو ما كيرجح تكون لعائلة الحبيبة ديالو علاقة بالتهديدات.

وكان محمد احتارين وهو لاعب هولندي من أصول مغربية، فضل يلتحق باياكس الهولندي كمعار من يوفنتوس الإيطالي من بعدما كانت انطلاقتو مع الفريق الإيطالي ماموفقاش، مع العلم أن احتارين سبق له ومر من ظروف صعيبة ملي توفى الوالد ديالو لدرجة كان دخل فكتئاب حاد.

موضوعات أخرى

07/08/2022 14:00

الاستئناف اللي تقدم بيه إمام مغربي فأكبر جامع فمولينبيك ترفض.. صافي تكونفيرمات غادي يحيدو ليه تصريح الإقامة و10 سنين ما يدخلش للبلاد