الرئيسية > تبركيك > احتارين تحرقات طونوبيلتو من بعدما تزوج والبوليس شاكين فعمل اجرامي
28/09/2022 21:00 تبركيك

احتارين تحرقات طونوبيلتو من بعدما تزوج والبوليس شاكين فعمل اجرامي

احتارين تحرقات طونوبيلتو من بعدما تزوج والبوليس شاكين فعمل اجرامي

كود سبور//

كتواصل المعاناة ديال الدولي الهولندي من أصول مغربية محمد احتارين نجم أياكس أمستردام الهولندي، بحيث من بعدما تزوج الويكاند اللي فات وهي تعرض السيارة ديالو للحرق.

وكشفت جريدة “دي تيليكراف” الهولندية أن السيارة ديال محمد احتارين تحرقات البارح الثلاثاء، وهي سيارة من نوع بورش والقيمة ديالها حوالي 177 يورو، وكاينا شكوك أن الأمر عندو بعد إجرامي، واللي كيزيد يرجح فرضية الإجرام هو تعرض السيارة ديال شقيق احتارين الأسبوع الماضي أيضا للحرق، والأسباب مازالت مجهولة، والتحقيق باقي مفتوح.

المصدر نفسه كيقول أن البوليس الهولندي شاك فأن الإحتراق ديال سيارة احتارين له علاقة بالتهديدات اللي كانت كتوصلوا فالأسابيع الماضية من منظمة اجرامية، وهو الأمر اللي كان خلاه ينقطع على تداريب أياكس ويختفي لمدة معينة.

وكانت وسائل الإعلام الهولندية كشفت قبل حوالي شهرين  على أن العائلة ديال البنت ياسمين اللي تزوج بها احتارين لم تتقبل دخولها فعلاقة معه، الأمر اللي جعلو يتوصل بتهديدات من بعدما العلاقة ما بينه وبين الصديقة ديالو تعرفات، لدرجة أنه اختفى وما بقاش كيمشي يدرب خوفا على حياته فالوقت اللي الأمن الهولندي فتح تحقيق فالواقعة.

وكيجي هذا الحادث ليزيد من متاعب محمد احتارين المعار من يوفنتوس الإيطالي إلى أياكس أمستردام الهولندي، حيث فالوقت اللي كان كيظن الجميع أن اللاعب الهولندي من أصول مغربية استقر عاطفيا وعائليا من بعدما تزوج ورجع يتدرب، خرج له هذا الحادث ديال احتراق السيارة باش ينكدها عليه ويخليه مخلوع وخايف على الحياة ديالو.

https://www.telegraaf.nl/nieuws/2075159340/mo-ihattaren-na-afbranden-porsche-jaloezie-heerst-in-de-lucht

 

موضوعات أخرى