كود سبور//
غايدير هشام ايت منا رئيس الوداد الرياضي اجتماع مع الجنوب إفريقي رولاني موكوينا مدرب الفريق الأحمر، بسبب الإقصاء من ثمن نهائي كأس العرش والمستوى المتواضع للفريق الأحمر.
وحسب مصادر مطلعة، فآيت منا غايگلس مع رولاني موكوينا لمناقشة أسباب وتداعيات الإقصاء المدوي للوداد الرياضي من ثمن نهائي كأس العرش، وتأثير ذلك على المستقبل القريب للفريق اللي مازال كايقلب على احتلال المركز الثاني فالبطولة الاحترافية باش يشارك فدوري أبطال إفريقيا الموسم الجاي، ومازال عندو مشاركة فكأس العالم للأندية الصيف الجاي.
نفس المصادر وضحت، أن كلشي ممكن فهذا الاجتماع بين هشام آيت منا ورولاني موكوينا، بما فيه إقالة المدرب الجنوب إفريقي، وماشي بعيد آيت منا يتفارق معه، خصوصا وأن كاين من الوداديين اللي ولى كايطالب برحيل آيت منا براسو وماشي غير موكوينا.
