كود سبور//

غايگلس هشام ايت منا رئيس الوداد الرياضي مع أمين بنهاشم باش يحسم معه البقاء كمدرب للفريق الأحمر.

وكشفت مصادر مطلعة، أن هشام أيت منا وأمين بنهاشم عندهم اجتماع، للحسم مع الأخير المستقبل ديالو مع الفريق الأحمر اللي كان جا ليه قبل أسابيع كمدير رياضي، قبل ما يتكلف ويدرب الواك فثلاثة الماتشات الأخيرة بصفة مساعد مدرب، حيث موكوينا خدا عطلة باش يرتاح من الضغط.

ومازال الوداد ما فكو الجرة مع المدرب الجنوب إفريقي رولاني موكوينا، ومازال ما تم الإعلان على الفراق بين الطرفين، والصيغة اللي غايكون بها الفراق.

وهاذ الشي كامل كايحط هشام ايت منا تحت ضغط الوقت، حيث الوداد عندهم كاس العالم للأندية فيونيو الجاي، ومن المفروض يدخل فمعسكر تدريبي باش يوجد لها.