گود سبور//

كلشي المهتمين بالكورة العالمية كايتسناو شنو النتائج اللي غادي يخرج بها اجتماع رئيس الاتحاد الدولي لكرة القدم فالرباط مع المسؤولين ديالو، باش يخرجو من الأزمة اللي كاتواجه رئيس الفيفا.

وحسب “فرانس بريس” الاجتماع ديال انفانتينو بدأ صباح اليوم الاربعاء فمقر الاتحاد الدولي لكرة القدم حدا مركب محمد السادس لكرة القدم فسلا، وتشافو شي طوموبيلات داخلين هاذ الصباح لتماك.

ونايض الصداع على إنفانتينو مدة هادي بسبب التسيير ديالو للفيفا، وزاد كبر المشكل ملي تقدم بمشروع تحويل كاس العالم لشركة رياضية، قبل ما يسحب هذا المشروع بضغط الاتحادات القارية وعلى راسها الاتحاد الأوروبي، ولكن هذا الشي زاد تطور وتحول إلى سحب اتحادات وطنية دعمها لإفانتينو باش يترشح لولاية جديدة فرئاسة الفيفا.