عمـر المزيـن – كود///
بعد تدوينة المتطرف الكتاني اللي اتهم فيها أعضاء اللجنة الخاصة بمراجعة مدونة الأسرة بـ”معاداة الإسلام”، قال عبد الوهاب رفيقي، الباحث في الفكر الإسلامي المعروف بأبو حفص في تصريح لـ”كود”، إن هذا النوع من الخرجات من رقصة المذبوح.
وأضاف رفيقي: ’’هاد الناس الله يهديهم مني شافو التعديلات اللي غادي تعرفها مدونة الأسرة غادي تكون مخالفة للتصور ديالهم للشرعية الإسلامية وبغاو يرجعونا للوراء، والملك هو من أطلق هذا الورش ووضع منهجية وعين اللجنة القائمة عليه‘‘.
وذكر رئيس مركز وعي للدراسات والوساطة والتفكير: “أكيد غادي تكون تعديلات ونظرا لهاد التعديلات أو سقفها كيفما كان نوعها هوما في رأيهم غادي تكون مخالفة للشريعة الإسلامية”.
وزاد رفيقي لـ”كود” قائلاً: “تصورهم قائم على أننا نرجعو للخلف وماشي نزيدو القدام حقاش عندهوم تصور الماضوي الرجعي ومكرهومش نعيشو في القرن 21 بالأفكار والتصورات والحياة ديال هادي 14 قرن”.
وفي رده على تدوينة الكتاني الخطيرة، يرى رفيقي أنه “من الطبيعي أن بحال هاد النماذج من الطبيعي يخرجو مثل هاد الخرجات، خصوصا في هذه المرحلة الحساسة من مسار المدونة، ومقبلين على أننا نتعرفوا على التعديلات اللي غادي تكون فيها”.
المفكر رفيقي أضاف: “الغريب هو عدم الثقة في المؤسسات. ومني يتقال فحق وزارة العدل ورئاسة النيابة العامة والسلطة القضائية ومجلس حقوق الإنسان.. هذا تكفير صريح لمؤسسات قائمة على مشروع تعديل المدونة وهو مشروع لا يقبل بها أشخاص بل مؤسسات، ومحاولة التشويه أو شيطنتها هو ضرب لمصداقية هاد المؤسسات والمشتغلين بها وهادشي خطر على اللحمة الوطنية والإجماع الوطني على أهمية المؤسسات”.
وختم تصريحاته بالقول: “المفروض أن الصوت الذي يؤمن بالمؤسسات ويهمه الوطن وليس الأيديولوجية خاصو يكون صوت عالي وقوي ويتحرك باش يبان ضد هاد الحملات المسعورة اللي ضد أي تعديل كيكون مصلحة الوطن وللأسرة المغربية عامة”.
