الرئيسية > آش واقع > اتهامات لمستشارة جماعية ففاس بالنصب بالتسويق الهرمي: كانت مقترحة باش تكون عمدة ديال فاس وها فاش متورطة
09/09/2022 18:20 آش واقع

اتهامات لمستشارة جماعية ففاس بالنصب بالتسويق الهرمي: كانت مقترحة باش تكون عمدة ديال فاس وها فاش متورطة

اتهامات لمستشارة جماعية ففاس بالنصب بالتسويق الهرمي: كانت مقترحة باش تكون عمدة ديال فاس وها فاش متورطة

عمـر المزيـن – كود///

علمت “كود” أن عشرات المستخدمين في إحدى الوحدات الفندقية المعروفة بشارع علال بن عبد الله وسط مدينة فاس، مشاو اليوم الجمعة لولاية أمن فاس باش يحطو شكايات ضد مستشارة جماعية كتخدم معاهوم فهاد لوطيل.

حسب مصادر “كود”، فإن هاد المستشارة الجماعية مشات هي اللولة باش تحط شكاية ضد عامل فهاد الفندق بداعي أنه هددها. الشكاية فيها شكوك واش صحيحة أو كذوب.. والبحث اللي غادي يقول شنو كاين.

ووفق ما كشفت عنه مصادر “كود”، فإن الأمر كيتعلق بمستشارة جماعية ونائبة رئيس مقاطعة أكدال مكلفة بالثقافة يشتبه في تورطها في ارتكاب جرائم النصب والاحتيال على عشرات المواطنين، وأغلبهم مستخدمين في الوحدة الفندقية اللي كتخدم فيها هادي سنوات.

وقالت مصادرنا أن هاد السيدة لي منتمية لحزب التجمع الوطني للأحرار يشتبه انها كانت كتطلب من الضحايا مبالغ مالية متفاوتة على أساس جني أرباح وهمية عن طريق التسويق الهرمي. دبا الضحايا غادي يمشيو يحطو شكايات عند النيابة العامة باش يكون بحث على هادشي اللي قالو عند البوليس. و”لابيجي” طلبات منهوم يمشيو للنيابة العامة باش يحطو الشكايات.

المعنية بالأمر كانت تقدر تولي عمدة على مدينة فاس بعدما اقترحها النائب البرلماني رشيد الفايق الموجود حاليا رهن الاعتقال الاحتياطي في جرائم فساد باعتباره آنذاك منسق التجمع الوطني للأحرار.

موضوعات أخرى

01/10/2022 14:00

من بعد الروينة ديال البارح.. ناس البولفار: كنعتاذرو من كلشي والحب ديال الموسيقى والايمان ديالنا بالشباب ماكاينش لي غادي يزعزعو