الرئيسية > آش واقع > اتهامات للبوليس البلجيكي بتعذيب مغربي حتى الموت
03/08/2021 20:30 آش واقع

اتهامات للبوليس البلجيكي بتعذيب مغربي حتى الموت

اتهامات للبوليس البلجيكي بتعذيب مغربي حتى الموت

كريم الشركي – كود //

نايضة فـ منطقة “سكاربيك” (Schaerbeek) بالعاصمة البلجيكية بروكسيل، على شاب عشريني مغربي مات فيد البوليس قبل أيام، كانو اعتاقلوه فالشارع العام بعدما بدا كايهرس فالطوموبيلات اللي واقفة فالشارع.

عائلة الشاب، اللي سميتو منير و فعمرو 26 عام ، اتاهمات البوليس أنهم هوما اللي قتلوا ليها ولدها، مؤكدة أن الطب الشرعي بين فـ تقريرو أنه كاين آثار عنف على جسد الضحية، لكن فـ المقابل البوليس كاينفيو هاد الاتهامات وكيأكدو أن الضحية مات بسباب سكتة قلبية.

المدعي العام البلجيكي، فتح تحقيق فالقضية باش يعرفو كيفاش مات الشاب المغربي، وقال الناطق بإسمه، أن الشهود كايقولو بأن الهالك كان كايهرس فـ طوموبيل وناضو الجيران بلغو البوليس، وملي جاو، الشاب جاتو كريز وتم نقلو ف أومبيلونص للصبيطار، اللي مات فيه بعد وصولو.

https://www.lesoir.be/387000/article/2021-07-30/deces-dun-jeune-homme-la-suite-dune-intervention-de-police-schaerbeek

موضوعات أخرى

20/09/2021 18:00

هل هذا هو الجزاء الذي يستحقه الاتحاد الاشتراكي! كم أساء هذا الحزب لنفسه من أجلكم. وكم ضحى بسمعته. وفي النهاية تستكثرون عليه مشاركة في الحكومة