كود -إل دياريو //

فواحد تحقيق دارتو الصحافة الإسبانية ، خرجو جوج العيالات  كيتهمو الفنان العالمي Julio Iglesias بالاعتداء الجنسي، وهادشي وقع مني كانو خدامين عندو فواحد من الممتلكات ديالو فالكاريبي.

الاتهامات خطيرة وكتحط الفنان فموقف صعيب ،  المشتكيات قالو أن الاعتداءات وقعات فـ2021، ؤوحدة منهم تعرضات للعنف  وكتقول: “كان كيتعدى عليا تقريباً كل ليلة، كنت كنحس راسي بحال شي  سلعة، بحال شي  عبدة”.

حسب الادعاءات، المسؤول على التوظيف كان كيبزز الموظفات فالفيلات ديال الفنان يديرو لافيزيت ديال  الأمراض الجنسية.
المراة الثانية، اللي هي أخصائية علاج طبيعي، قالت أن Julio Iglesias بايها على فمها وتلمس صدورها بلا رضاها، وهادشي وقع  قدام لابسين  ديال الفيلا.

التحقيق اللي خذا 3 سنين ما اعتمدش غير على شهادات المشتكيات، ولكن  حتى على بزاف ديال الأدلة، بحال تصاور ،  المكالمات، رسائل WhatsApp، الفيزات، والتقارير الطبية. المستشارين ديال الفنان ما جاوبوش على أسئلة الصحفيين، وهادشي خلا القضية كتشد اهتمام كبير فالصحافة الإسبانية والدولية، Julio Iglesias، اللي دابا عندو 82 سنة، عليه   ضغط كبير من هاد الاتهامات ، والعدالة غادي تقول كلمتها.