وكالات//

نَفَى إيلون ماسك، المدير التنفيذي ديال شركتي تسلا وسبيس إكس، وبشكل قوي، الإدعاءات اللي جات فصحيفة “نيويورك تايمز”، واللي قالت بأنه كان كيتعاطى الكيتامين ومواد مخدرة أخرى خلال الحملات الانتخابية ديال 2024، وأكد فبلاتفورما “إكس” أن هاد الهضرة “كذوب”.

ووضح ماسك أنه كان كياخذ الكيتامين بوصفة طبية من سنين باش يعالج بعض الحالات، وقال باللي من داك الوقت ما بقا عندو حتى استعمال ليه.

وزاد قال أن الاستعمال المفرط للكيتامين كيأثر على الأداء فالخدمة، وهادشي ما كيتمشاش مع المسؤوليات الكبيرة اللي عندو.