الرئيسية > featured > اتلاف فلاحة صبليون لاكثر من 20 كاميو من صادراتنا. جمعيات مهنية مع “المعاملة بالمثل” وتحيد اسبانيا من ضيف شرف معرض الفلاحة وها مبرر رفض الحكومة لهاد التصعيد
04/03/2024 13:30 featured

اتلاف فلاحة صبليون لاكثر من 20 كاميو من صادراتنا. جمعيات مهنية مع “المعاملة بالمثل” وتحيد اسبانيا من ضيف شرف معرض الفلاحة وها مبرر رفض الحكومة لهاد التصعيد

اتلاف فلاحة صبليون لاكثر من 20 كاميو من صادراتنا. جمعيات مهنية مع “المعاملة بالمثل” وتحيد اسبانيا من ضيف شرف معرض الفلاحة وها مبرر رفض الحكومة لهاد التصعيد

كود احمد الطيب ///

اليوم كيف كشفات “كود” غادية تحط شكاية ضد الجمعيات المهنية الصبليونية اللي عترضات كاميوات فيها صادرات فلاحية غادية لدول الاتحاد الاوربي. هاد الشكاية دارتها الكونفدرالية المغربية للفلاحة والتنمية القروية المعروفة ب”كومادير” وكلفات الجمعية المحاميتين المعروفتين ماريا گوتيريس دوريگيز ولاورا مارتينيث كولادوس باش يحطوها فمدريد.

وكانت جمعيات لنقابات صبليونية عترضات فالمدة الاخيرة لاكثر من 20 كاميو فيه صادرات مغربية من البواكر والحوامض. 

هاد الموضوع فيه انقسام عند الجمعيات المهنية بالمغرب. بيان “كومادير” ديال لخميس اللي فات وللي هدر علي هاد الشكاية٬ قال باللي هاد الكونفدرالية كترفض “التعامل بالمثل والانتقام من الصادرات الفلاحية الإسبانية إلى المغرب” وبللي هي مع الحوار و”مواصلة العمل مع شركائها الأوروبيين للحفاظ على العلاقات التجارية بين الطرفين، في إطار الاحترام المتبادل لتسهيل تدفق المنتجات الفلاحية دون السماح بأي تصرف غير مقبول”٬ هاد الشي كيعني ان اصوات داخل هاد التجمع واصوات خارجو مع المعاملة بالمثل. مع التعرض للصادرات الصبليونية للمغرب وتخريبها٬ وفق مصدر مهني ل”كود”. 

بل هناك اصوات مشات بعيد٬ بغات بالاضافة الى المعاملة بالمثل مع الصادرات الاسبانية اللي داخلة لبلادنا٬ بغات من وزارة الفلاحة تحيد الصبليون كضيف شرف للدورة المقبلة لمعرض الفلاحة بمكناس٬ بالنسبة لمصادر مهنية ل”كود” “كيفاش وحدين كيتعداو على صادراتنا وحنا نهزوهم فالعمارية”. 

غالبية اعضاء “كومادير” ضد هاد القرار.

الحكومة المغربية حتى هي ضد هاد المعاملة بالمثل ومتشبثة باسبانيا كضيف شرف٬ حسب مصدر “كود” فهاد الشي ديال الاعتدءات ما عندو علاقة بالحكومة الاسبانية اللي داخلة فعلاقات قوية وما عمرها كانت مع الدولة المغربية٬ بللي الدولة الصبليونية اللي ضيف شرف ماشي نقابة من دوك للي كيخربو صادراتنا” يشرح مصدر “كود”.

موضوعات أخرى

22/04/2024 12:50

مرصد: الحكومة فـ3 سنين وسعات الاستفادة من التعويضات العائلية لـ5 مليون طفل وعبأت كثر من 40 مليار درهم للحماية الاجتماعية لـ22 مليون مغربي‏

22/04/2024 12:25

وهبي أمام منتدى وزراء العدل للدول الإفريقية الأطلسية: بلادنا ملتزمة بتعزيز تعاونها التقني والقضائي

22/04/2024 12:15

رسميا وكيف نشرات “كود”.. الاتحاد الاشتراكي خدا رئاسة العدل والتشريع: مدونة الأسرة والقانون الجنائي ومعارك كبيرة كتساين الحكومة فهاد اللجنة

22/04/2024 12:00

بلا المغرب وبلا موريتانيا.. تبون مشا يشارك فالاجتماع التشاوري اللول ديال التكتل المغاربي الأعرج

22/04/2024 11:20

لفتيت: الأحزاب للي ما حترمتش القانون فصرف الدعم الخاص بالدراسات مغاديش تستافد منو هاد العام.. واش هذا مؤشر على قرب فتح بحث قضائي؟

22/04/2024 11:00

موريتانيا علنات موعد الانتخابات الرئاسية وولد الغزواني وبيرام الداه وولد عبد العزيز من الحبس كاع مرشحين