كود – كازا ///

قالت تقارير إخبارية، أن شرطة مدينة اسطنبول شدات، مؤخرا، شخص كيحمل الجنسية المغربية بسباب التورط ديالو فـ احتجاز شابة مغربية لمدة 4 أيام.

وحسب التقارير ذاتها، تواصلات الضحية مع المتهم عبر وسائل التواصل الاجتماعي من أجل كراء بارطما ومن بعد سافرات لتركيا وتلاقات معاه مني وصلات.

لكن المتهم فـ بلاصة ما يديها للبارطما اللي قاليها، داها للبارطما ديالو وبقا محتاجزها مدة 4 أيام وتكرفس عليها. الضحية قدرات تواصل مع مغاربة عبر منصة للتواصل الاجتماعي.

ومن بعد اتصل شاب مغربي بالسلطات الأمنية التركية وحكى ليهم على الواقعة. وتم القبض على المتهم وهو قيد الحبس الاحتياطي. وبدأت الشرطة التحقيق في القضية.