علي الصافي – كود العيون ///

قالت وسائل اعلام اسبانية ان هناك اتفاق جديد بين الرباط ومدريد كيهم الهجرة والامن غادي يدخل حيز التنفيد انطلاقا من 30 ابريل الجاري. هاد الاعلان للي مازال ما عرفناش تفاصيلو جا قبيل ساعات من زيارة رئيس الحكومة الاسبانية الاشتراكي بيدرو سانشيث للرباط بعد ازمة طويلة بين الدولتين.

المغرب كان عندو اتفاقيات مع الصبليون خاصة فمحاربة الهجرة السرية وفمحاربة الارهاب. هاد الشي كولو توقف بعد اندلاع الازمة اللي بدات باستقبال الصبليون زعيم البوليساريو بالتخبية للعلاج وتبعاتها ازمة سبتة ودخول 10 الاف غالبيتهم قاصرين من الحدود البرية.

هاد الزيارة جات بعد 4 سنين من زيارة هاد المسؤول الاسباني للمغرب وغادي يتلاقى مع الملك محمد السادس وغادي يعرض عليه هاد العشية للفطور.