كود سبور//

حسمت ادارة اتحاد طنجة القرار ديالها بخصوص التيران اللي غايستقبلو فيه الرجاء الرياضي، فالماتش الجاي بين الفريقين برسم الدورة 28 من البطولة الاحترافية لكرة القدم.

وقررت ادارة اتحاد طنجة استقبال الرجاء الرياضي فتيران سانية الرمل فمدينة تطوان فالماتش المبرمج بين الفريقين الثلاثاء الجاي مع 7 العشية، ومن المنتظر يتلعب الماتش ويكلو بين الفريقين.

وكيجي اختيار اتحاد طنجة للتيران اللي غايلعبو فيه مع الرجاء الرياضي، بعدما راجت معلومات فالأيام الأخيرة حول اتفاق الفريقين على اجراء الماتش فمدينة الجديدة، ولكن تبين ان هذا الشي ماشي صحيح وان الفريق الطنجاوي غايستقبل المباراة كيف العادة فتطوان.