كود سبور//

مكونات اتحاد جدة السعودي بزاف من النجم الفرنسي كريم بنزيما، وهذا بعد اقصاء الفريق امام الغريم ديالو الهلال من ربع نهائي دوري أبطال آسيا، وهذا الشي بعدما كانو معولين ينافسو على لقبها هذا الموسم بعدما دارو صفقات قوية الصيف الماضي، ومن بينها التعاقد مع بنزيما.

وخرج حامد البلوي المدير التنفيذي السابق لاتحاد جدة غاضب بسبب الإقصاء، وتفرگع على كريم بنزيما والصفقة ديالو، وقال فالمرور ديالو على قناة “إم بي سي أكشن”:  الاتحاد بطل السعودية فالموسم الماضي ولكن دار صفقات تسببت فخلل وما عطاتش الإضافة، وحتى اللاعبين اللي ربحو اللقب اغلبهم مشاو”.

وكمل البلوي: “اتحاد جدة محتاج لبنزيما فبحال هاد الماتشات الكبار، وهو كيتدرب ملي كيبغي، وملي ما كيبغيش ما كنشوفوهش، وشفناه گالس يبارطاجي التصاور وهو كيصلي وكيدير الحجامة فظهرو، ولكن الاتحاد سنا مع على الماتشات الكبار ماشي لشي حاجة اخرى”.