كود سبور//

صيفطو اتحاد جدة السعودي الدولي الفرنسي كريم بنزيما للفريق السابق ديالو ريال مدريد الإسباني، بسبب إصابة كيعاني منها باش يشوفو شنو عندو بالضبط.

ووضحو اتحاد جدة، فبلاغ لهم أن الجهاز الطبي ديالهم تواصل مع الجهاز الطبي لريال مدريد للتشاور حول إصابة اللاعب كريم بنزيما، واللي تسببت فغيابو خلال فترات من هذا الموسم عن المشاركة مع الفريق فماتشات مهمين.

وأكدو اتحاد جدة أنهم اتافقو مع ريال مدريد، باش كريم بنزيما يدير فحوصات أخرى فعيادة الفريق الإسباني فالعاصمة مدريد عند الطبيب اللي كان متبع عندو اللاعب فالأعوام اللي فاتت، وأن بنزيما مشى للصبليون وغيرجع السيمانا الجايا.