عن شوف تيفي – بوح الاحد ///

فمقالو الاسبوعي ركز اليوم 9 غشت 2026 ابو وائل الريفي في “بوح الاحد” المنشور ف”شوف تيفي” على دور المخابرات الجزائرية فلحريگ الجماعي لسبتة واللي وصل حسب الداخلية الصبليونية 72 الف وحسب الداخلية المغربية 40 الف.

وقدم معطيات كثيرة على هاد الدور، فاكد باللي المخابرات المغربية ومعاها الصبليونية كانو عارفين خطط الدولة الجزائرية من نهار خرج قرار المحكمة العليا باللي صدر ف29 يونيو وخرج للعموم يوم 8 يوليوز وفيه بللي الحراگة للي دخلو من البحر عومان ما كيطبقش عليهم الارجاع الفوري.

حسب ابو وائل الريفي فان المخابرات الجزائرية كان عندها سوابق فاثارة الفتن. سبق ليها خلقات دعوات فوسائل التواصل الاجتماعي ف15 شتنبر 2025 و11 اكتوبر 2025 و12 ماي 2026 وباللي هاد المرة شدات ليهم واستغلو عيد العرش فذكراه 27

حسب مقالو فمنصاب جزائرية بحال ا”ALGERIA GATE” و”ALGERIA 24″ “MILITARY DZ””L’ARMEE ELECTRONIQUE ALGERIENNE مدعومة بالمؤثرين “JAMRA”, “ALPASINO”و “MUSTAPHA BOUNIF” و “HAFSI AHMED” اللي عايش فلندن واللي دار مجموعة فالواتساب سميتها “HARGA CEUTA@MLILYA”وفيها حسابات وهمية بارقام مغربية ما خداماش من داخل المغرب.

واضاف ابو الوائل الريفي ان المغرب توصل لمعطيات دقيقة تثبث تورط جهات رسمية جزائرية فهاد المؤامرة اللي كان هدفها “إجهاض التعاون المغربي الإسباني غداة زيارة رئيس الحكومة الإسبانية للجزائر والتمهيد لدفع دول الاتحاد الأوروبي واللجنة الأوروبية لاتهام المغرب بخرق الاتفاقيات التي تربطه بالاتحاد الأوروبي”

ابو الوائل الريفي اكد كذلك باللي هاد المخابرات الجزائرية عبر عملائها بغات تشعلها بجيل زيد وباللي استغلو الهوية البصرية ل GENZ212 وخرجو بيان يدعو الى وقفات احتجاجية أيام 7 و8 غشت 2026 قبل أن تختار لنفسها مهلة أطول لإنجاح مشروعها بإطلاق دعوة إلى حركات احتجاجية على المستوى الوطني يوم 9 غشت 2026 أطلقها يوم فاتح غشت وتكفلت بإعادة التوزيع والدعاية له منابر جزائرية “هيئة الجزائر”، “صوت الجزائر”، ومؤثرين مثل MANSOUR KADDOUR BENATTIA وSAMIR DEBKAOUI بعدها تدخلت على الخط منصة “مغاربة اللي ماشي مغاربة” واضاف ان اصحاب صفحة جيل زد الحقيقين نشرو بيان نفاو علاقتهم بهاد الدعوات للاحتجاج

كما اكد ان صفحة “مغاربة اللي ماشي مغاربة” جزائريون “حتى لو كانو فيها شي مغاربة راهم غير عملاء”

وتوقع ان يتم محاسبة المخابرات العسكرية الجزائرية “ليطمئنوا بأنه لن ينجح عميل واحد للجزائر في استهداف المغرب” وان تورط الجزائر فهاد الغلطة ما غادياش تغتفر”