الرئيسية > تبركيك > ابو زعيتر طار ليه لفريخ. فرق جوج ريالات وجاب مصور يؤرخ للحدث لكبير بلا خبار شي عيالات ورجالة ما فحالهمش – تصاور الشوهة
04/01/2022 19:00 تبركيك

ابو زعيتر طار ليه لفريخ. فرق جوج ريالات وجاب مصور يؤرخ للحدث لكبير بلا خبار شي عيالات ورجالة ما فحالهمش – تصاور الشوهة

ابو زعيتر طار ليه لفريخ. فرق جوج ريالات وجاب مصور يؤرخ للحدث لكبير بلا خبار شي عيالات ورجالة ما فحالهمش – تصاور الشوهة

كود – هناء ابو علي ///

هاد وجود الزعيترات فالمغرب خطأ. الاحتفاء بيهم خطأ. من نهار بداو قلناها. هادو شكون. اش من صفة عندهم. اخر عنتيرات بوبكر اللي كنشوفوه فشبكات التواصل الاجتماعي كثر من ليرينگ اللي كيمارسو٬ مشى فرق شي ريالات وضرب الطر لهادوك اللي خداوهم.

عيالات ورجال مقودة عليهم الوقت وكيتقاتلو مع الحياة كلها بطريقتو٬ جيتي يا السي ابو بكر ديتي معاك مصور ويمكن مخرج كاع يريد ليه الميز اون سان٬ وخرجتي تصاور هاد الناس بلا خبارهم. بلا اذنهم. بلا موافقتهم.

ايلى كنتي متدين راه ابجديات التدين هو تستر. ايلى عطيتي شي حاجة سترها. ايلى كنتي باغي البوز وتعرف مزيان ولكن قول لينا اش كتقلب. بغيتي ترشح لشي منصب. تدخل للانتخابات. واخا مستواك ما يسمحش ليك تاخد شي منصب. قرايتك على قد الحال وماضيك بلا ما نهدرو عليه.

سالى تصاور مع اللي كيسعاو وكيخدمو مقاتلين على ريوحهم٬ طلق القرآن ودار صورة فبار. بانية تخلطو عليهم لعرارم. هو ما فاهمش اش باغي

هاد الظواهر خاصها تختفي. كتسيء للدولة ورموزها. كتسيء للمغرب وتاريخو. راه سنوات وحنا كنسولو. وا شكون هاد الزعيترات. مازال ما لقينا الجواب

موضوعات أخرى