كود سبور//

غاينافس الدولي المغربي ابراهيم دياز نجم ريال مدريد الإسباني وبطل دوري أبطال أوروبا معه، على جائزة الكورة الذهبية الأفريقية اللي كايمنحها الاتحاد الأفريقي لأحسن لاعب إفريقي.

وحسب جريدة “ماركا” الإسبانية، فابراهيم دياز منافس وبقوة على الكورة الذهبية الأفريقية، اللي غايعطيها الكاف مع نهاية عام 2024، حيث ربح ثلاثية تاريخيّة حتى لدابا فهاد الموسم اللي سالا مع ريال مدريد، وهي كأس السوبر الإسباني وبطولة الصبليون ودوري أبطال أوروبا أعرق وأهم مسابقة ديال الاندية فالعالم، وغايكون أول لاعب من ريال مدريد يربحها إذا منحت له.

للإشارة فالنجم المغربي براهيم دياز بأن فالإشهار الجديد ديال تونيات ريال مدريد للموسم الجاي مع شركة أديداس اللي هي الراعي ديال دياز أيضا، وهذا وحسب “ماركا” أن اللاعب مهم بالنسبة للفريق الاسباني وغايبقى معهم الموسم الجاي واخا النجوم اللي كاينين واللي تزاد عليهم الفرنسي كيليان مبابي.