كود سبور//

عبر الدولي المغربي براهيم دياز على الفرحة ديالو حيث ساهم فالرباح اللي حقق الفريق ديالو ريال مدريد على اتليتيكو مدريد فذهاب ثمن نهائي دوري أبطال أوروبا.

وبعدما ماركا الهدف الثاني لريال مدريد على اتليتيكو مدريد، وسالا الماتش بنتيجة 2 لواحد لمصلحة المادريديستا، وجه ابراهيم دياز التحية لجمهور ديال مدريد وقال فتصريح له: “شكرا لكم مرة أخرى على الدعم وهذه الأجواء الزوينة والساحرة فالبرنابيو، ولكن مازال ما ساليناش، ومازال ماتش الروتور”.

وحطو ريال رجليهم الاول فربع نهائي دوري أبطال أوروبا، فطريقهم للدفاع على اللقب، ومازالهم ماتش الروتور فثمن النهائي لتأكيد رباح الذهاب وحسم التأهل.