كود سبور//

خرج ابراهيم دياز هو الأول من معسكر المنتخب الوطني المغربي لكرة القدم، وهاد الشي مباشرة ملي سالا الماتش الودي ديال الأسود ضد منتخب موريتانيا.

وغير دوش ابراهيم دياز بعد الماتش، خرج من الفيستيير ومشى عند عائلتو اللي كانو حتى هما فتيران أكادير كيتفرجو فالماتش، وسلم على والديه وجداه وختو وصاحبتو واللي كانو فرحانين به وهما كيعنقوه، وخرجو من التيران وركبو فطموبيلات ديال النقل السياحي كحلين وزادو بحالهم.

ومن المنتظر يرجع ياخد ابراهيم دياز يوم راحة وبعدا يلتحق بالفريق ديالو ريال مدريد باش يبدا يوجد معه الماتشات الجايين والمنافسة على دوري أبطال أوروبا والبطولة الإسبانية.