گود سبور//

ربح المنتخب الوطني لكرة القدم النسوية بنتيجة ثلاثة أهداف لهدفين الماتش الودي ديالو اليوم الاثنين، ضد الكونگو الديمقراطية.

وسالا الماتش بين اللبؤات والكونگوليات بنتيجة 3 لـ2 لمصلحة المغربيات، وسجلت ابتسام الجرايدي هاتريك للمنتخب المغربي الوطني لكرة القدم النسوية فالماتش اللي تلعب فالتيران البلدي بمدينة بركان، وماركات الأهداف فالدقايق 39، 42 و73.

وكان المنتخب الوطني المغربي لكرة القدم النسوية لعب الخميس الماضي ضد منتخب الكونگو الديمقراطية وربحتهم بنتيجة هدفين لهدف واحد.