الرئيسية > آش واقع > سكوب. فضايح الخارجية مع لمغاربة اللي حصلو. مواطن لـ”كود”: موظف طلب مني نوقع بللي خديت 1500 باوند وبغى يعطيني غير 500 وباش رفضت قال لي وما يشيط لي والو
22/06/2020 09:00 آش واقع

سكوب. فضايح الخارجية مع لمغاربة اللي حصلو. مواطن لـ”كود”: موظف طلب مني نوقع بللي خديت 1500 باوند وبغى يعطيني غير 500 وباش رفضت قال لي وما يشيط لي والو

سكوب. فضايح الخارجية مع لمغاربة اللي حصلو. مواطن لـ”كود”: موظف طلب مني نوقع بللي خديت 1500 باوند وبغى يعطيني غير 500 وباش رفضت قال لي وما يشيط لي والو

كود هناء ابو علي ///

لمغاربة اللي حصلو برا مع هاد الجايحة واللي يالله بداو يدخلوهم تكرفصو بزاف. واخا هاكاك استغلهم شي وحدين خدامين فالقنصلية. مواطن ل”كود” عطانا رواية على الابتزاز اللي تعرض ليه فبريطانيا.

المواطن قال ل”كود”باللي مسؤول بالقنصلية بغى يعطيني 500 باوند =جنيه استرليني= ولكن باش عطاه يوقع لقى 1500 باوند. المصدر اللي حصل فبريطانيا تصدم من هاد التصرف.

كانو نساونا٬ يشرح المواطن ل”كود”٬ والسيمانا اللي فاتت “قالو لي راه عندنا اعانات نقدية للناس العالقين دوز عندنا و نعطيوك 500 ليفر و وباش مشيت عندهم. الموظف عطاني وصل فيه 1500″ يؤكد ل”كود”.

الصدمة كانت ان هاد بنادم اللي خدام مع الدولة٬ يضيف مصدر “كود”٬ اللي رفض يوقع٬ قال ليه “وحنا ما نشيطو والو”. بغى يشيط الف باوند.

المصدر قال ل”كود” باللي خبر هاد بنادم “باللي هادا راه صندوق كوفيد للاعانات وليس للسرقة” وانسحب بعد ذلك.

المواطن كشف ل”كود” باللي تلاقى مع مغاربة خراين قالو ليه “قضي هذا مغربنا وحنا عارفينو” اي انهم قبلو يوقعو على مبلغ وخداو مبلغ قل منو.

هاد الشي خاصو بحث مستقل بعيد على الخارجية. فضايح كثيرة غادية تكون وقعات لصندوق كاع لمغاربة ساهمو فيه. كاع لمغاربة شاركو فيه. كيفاش شي وحدين كيستغلوه. حقارة وصافي. ما نتسناوش من وزارة بوريطة شي بحث. خاص بحث مستقل. راه لمغاربة كاملين دخلو ودابا يقدرو يهدر كل واحد تعرض لهاد التصرف من بعض الموظفين

موضوعات أخرى

04/07/2020 10:00

تقرير منظمة فيمينيست: عاملات الجنس واللي خدامات فالقهاوي والصالونات والحمامات والأميات هوما اللي ضرباتهم جايحة كورونا كثر.. ونسبة العنف الأسري والزوجي ضد النساء ارتفع بشكل كبير