الرئيسية > آش واقع > ابتدائية تطوان حكمات ضد نقابي فوزارة العدل ترامى على ملك الغير
14/03/2019 16:10 آش واقع

ابتدائية تطوان حكمات ضد نقابي فوزارة العدل ترامى على ملك الغير

ابتدائية تطوان حكمات ضد نقابي فوزارة العدل ترامى على ملك الغير

كود الشاون///

مازال المسؤول النقابي لي متهم بالترامي على فيلا دوزارة العدل  فشفشاون كايتلقا ضربات وحدة من ورا وحدة، حيث حكمات ضدو ابتدائية شفشاون ف ملف كايتعلق بتحفيظ أرض فلاحية كبيرة ورفضت يحفظ ما يقارب من نصف الأرض لي تبين للمحكمة أنه هارف عليها بلا قانون.

وجا ف الحكم لي تصدر بتاريخ 24 يناير 2019 في ملف عقاري رقم 16/1403/13 ضد النقابي أن هذا الأخير ما معندوش شرط استمرار الحيازة لمدة يحددها القانون، كما أكدت المحكمة أن عقد شرائه ما فيهش أصل الملك بعدما سقط رسم ثبوت المتخلف لي كان فيه النقابي شاهد لفائدة السيدة لي باعت له نفس الأرض بعد أقل من شهر من أداء الشهادة، وهو ما دفع المحكمة باش تسقط الشهادة ديالو لأنه متهم بالشهادة بغير الحق ليجر لنفسه منفعة.

واستبعدت المحكمة عدد من الوثائق لي دلا بها النقابي منها عقد الملكية وكانوا فيه موظفين بالمحكمة د شفشاون، لي لقاو ريوسهم فورطة وكايفكرو كفاش يخرجوا ريوسهم من هاد الملف لي بدا كايكبر شوية بشوية.

وبذلك تكون محكمة شفشاون قطعت الطريق على النقابي المعروف بمول الفيلا ومنعت عليه تخفيظ الأرض الفلاحية لي كاتواجد على بعد 7 كيلومترات من المدينة خصوصا ذلك الجزء لي طعنو فيه ورثة آخرين.

وكان جهات قضائية بشفشاون قد نفت أن يكون وكيل الملك قد سلم الفيلا للنقابي وتنازل له عنها.

موضوعات أخرى

14/07/2020 13:30

“كود” جمعات أهم الإجراءات لي جاب قانون المالية المعدل منها 4 اقتصادية و2 اجتماعية باش يحافظو على مناصب الشغل وإنقاذ القطاعات من الانهيار

14/07/2020 13:15

أعضاء النموذج التنموي كيناقشو قضايا اقتصادية واجتماعية: القطاع الخاص ماكيستثمرش بزاف والمغرب ضعيف فالرأس مال البشري.. و40 من أصل 1000 تلميذ كيوصلو للثانوية وخاص الاهتمام باللغات والدارجة