وكالات//

خسر مول واحد السناك فالنكليز دعوى قضائية رفعها ضدو الملياردير الميريكاني المعروف إيلون ماسك، بسباب تيسلا.

القصة هي أن مول السناك ديال الدجاج حل واحد المحل جديد فلندن وسماه Tesla Chicken and Pizza وهو شي لي مقبلوش الملياردير الميريكاني لي عتابرو أنه كيستغل الاسم ديال الشركة دالطوموبيلات ديال تيسلا.

المحكمة حكمات على مول السناك أنه يبدل السمية وغرامة مالية القدر ديالها 4000 جنيه استريليني.

الغرامة المالية جات ثقيلة لمول السناك، لي قال أنه معندوش باش يخلصها وهاجم الملياردير لي هو واحد من أغنى الأشخاص في العالم.