كود -وكالات//

نشرات وكالة “تسنيم” الإيرانية، المعروفة بقربها من الحرس الثوري، فيديو خلا ضجة وتنديد دولي، مني تضمن تهديدات مباشرة ضد السيدة الأولى الأمريكية ميلانيا ترامب وولدها بارون ترامب.

الفيديو، اللي كيدوم  جوج دقايق جا بعنوان: “فين يمكن تتقتل ميلانيا؟”. وكيعرض المقطع سيناريوهات مفصلة كيدّعي فيها أنه كيعرف “نقط الضعف” ديال ميلانيا، بحكم اهتمامها الكبير بالحوايج، و أسماء وعناوين محلات نيويورك لي كتقضا منها، عاد كشفو معلومات على الاسم الرمزي اللي كتستعملو الخدمة السرية الأمريكية باش تسميها والإجراءات الأمنية اللي كتحميها.
https://x.com/i/status/2082051099293258192
وما وقفش الفيديو عند هاد الشي، وإنما سيناريوهات لتنفيذ هجوم، بحال تسميم الملابس وسط المحلات باستعمال غاز الأعصاب VX، أو تجنيد وحدة من كوافورات الشعر والتجميل   باش يعاونهم فالاغيتال.

وفآخر الفيديو، توجه تهديد مباشر لولدها بارون ترامب بعبارة: “بارون ترامب… تسنانا.”

وكيجي هاد الفيديو فوسط صداع كبير بين مريكان وإيران، خصوصاً بعدما سبق للرئيس الأمريكي دونالد ترامب صرح بأن عندو أوامر  باش يتم الرد بضربات عسكرية واسعة ضد إيران إلا تعرض شي فرد من عائلتو أو مسؤول أمريكي لأي محاولة اغتيال