كود – وكالات //

ضرب صاروخ باليستي إيراني مباشرة واحد البناية فمدينة ديمونة جنوب إسرائيل، عشية اليوم السبت،  هاد الاصطدام خلا إصابة ديال 23 واحد على الأقل ، من بينهم دري عندو 12 عام ومرأة فالعقد الرابع بإصابة متوسطة، وزيد عليهم 21 مصاب بجروح خفيفة،  مصالح الإطفاء والإنقاذ فإسرائيل علنات بلي طاح مبنى فالمدينة بسبب الضربة، وفرق الطوارئ بدات كتقلب  على الأقل ف 12 بلاصة مختلفة فين طاح ديشي وسط ديمونة.

وفنفس الوقت.غوتو صفارات الإنذار فمناطق فشمال إسرائيل حدا نهاريا والجليل الغربي، من بعد ما حزب الله طلق صواريخ من لبنان، وأكد التلفزيون الرسمي الإيراني بلي الاستهداف ديال ديمونة كان مقصود، كرد على استهداف منشأة  نطنز للتخصيب النووي

https://www.facebook.com/share/r/1Ffmurr8eG/
الضربة على ديمونة عندها واحد الثقل كبير، حيث المدينة قريبة من مركز شيمون بيريز للأبحاث النووية فالنقب، اللي كيتعتبر المعقل الرئيسي للبرنامج النووي الإسرائيلي ، وواحد من أكثر المواقع تحصيناً فإسرائيل بمنظومات دفاعية.