عن الوكالات /////

قال رئيس البرلمان الايراني محمد باقر قاليباف بللي اي اتفاق سلام نهائي مع امريكا باقي بعيد لكنو اشار فنفس الوقت باللي “كاين تقدم” فالمفاوضات ولكن كاين فجوات كبيرة وعدد من القضايا الجوهرية عالقة.

هاد التصريح جا رد على تصريحات دونالد ترامب رئيس امريكا اكد فيها بثقة باللي الاتفاق مع ايران قريب للغاية وباللي كلشي تقريبا سالى.

وسط هاد شد لي نقطع ليك، يتوقع تكون جولة جديدة من المفاوضات الامريكية الايرانية غدا فاسلام اباد بباكستان.

قبل هاد المفاوضات كانت ايران علنات اعادة اغلاق مضيق هرمز يومين فقط بعد ما قالت باللي غادية تفتحو. هاد الاغلاق عندو حسب الايرانيين، علاقة بوجود بوارج امريكية كتحاصر الموانئ الايرانية