كود – كازا ///

حصلت شركة إيجيس الفرنسية، اللي داخلة في كونسورتيوم مع مواطنتها سيسترا وشركة نوفيك المغربية، على صفقة خاصة بمشروع الخط الجديد ديال “تي جي في”، حسب ما قالت صحيفة “medias24.com” المغربية.

وحسب المصدر ذاته، تتعلق الصفقة بعقد لمساعدة مشغل السكك الحديدية المغربي المكتب الوطني للسكك الحديدية (ONCF) ف أشغال تمديد الخط فائق السرعة بين القنيطرة ومراكش واللي التكلفة ديالو كتقدر بـ 1.4 مليار درهم (140.2 مليون دولار).

وحول هاذ المناقصة المتعلقة بأعمال تمديد هاذ الخط البالغ طوله حوالي 450 كيلومترا، تم تقديم عروض العديد من الشركات، من بينها الشركة العامة الإسبانية “Ineco”، لكن ف الأخير كان عرض الكونسورتيوم اللي كترأسو “إيجيس” هو مؤهل للفوز بالصفقة، البارح الخميس.