كود سبور//

عبر أسطورة كرة القدم الأفريقية صامويل إيتو، على الشكر ديالو للملك محمد السادس حيث رجع كأس العالم للقارة الإفريقية، من خلال تنظيم مونديال 2030 مع إسبانيا والبرتغال وشكر فوزي لقجع رئيس الجامعة الملكية المغربية لكرة القدم وقال إن المونديال بين المغرب وإسبانيا والبرتغال غايكون ناجح بحال كأس إفريقيا 2025 فالمغرب، اللي غاتكون احسن نسخة فكوب دافريك حسب ما قال.

وخلال حوار دارو مع راديو فرنسا الدوليrfi، ووجه صامويل إيتو التحية للجهود اللي دارها الملك محمد السادس باش يرجع كاس العالم، هذا الحدث الكبير والمعروف بالبريستيج يتنظم فالقارة الأفريقية، وقال أسطورة الكاميرون أيضا برافو لفوزي لقجع رئيس الجامعة الملكية المغربية لكرة القدم، قال برافو كبيرة على الرؤية والشغف ديالو.

وأكد إيتو أن كاس العالم 2030 اللي غاينظمو المغرب مع الجيران ديالو الإيبيريين اسبانيا والبرتغال غايكون ناجح بزاف، بحال كأس إفريقيا 2025، اللي غاتكون فالمغرب وقال انها غاتكون احسن نسخة فكوب دافريك.