كود الرباط//

رسميا تم الإعلان عن إلغاء الندوة الصحفية الأسبوعية المخصصة للمجلس الحكومية، بسبب غياب مصطفى بايتاس الناطق الرسمي باسم الحكومة لتواجده خارج البلاد في مهمة رسمية.

وقال ديوان الناطق الرسمي باسم الحكومة، :”نظرا لترؤس مصطفى بايتاس الوزير المنتدب لدى رئيس الحكومة المكلف بالعلاقات مع البرلمان الناطق الرسمي باسم الحكومة، للوفد الرسمي المغربي لأداء مناسك الحج، فإن الندوة الصحفية التي تعقب المجلس الحكومي لن تنعقد إلى حين عودته”.
الطبيعي هو يكون وزير كيتكلف بلاصتو، هادي اهانة أخرى للصحافة.

خبر الالغاء ديال الندوة خرج مع الثالثة و17 دقيقة، فالوقت لي كتكون الندوة مع الواحدة، الصحفيين بقاو معلقين كيتسناو خبر حول الندوة، حتى جاهم خبر الغاء الندوة معطل. واش كاينا خلافات وسط الحكومة على شكون يكون بلاصت بايتاس؟ كولشي ممكن.

دبا السؤال شكون باغي الصحافة تركع ليه فهاد البلاد وتبقا تصبغ فيه؟ واش مكفاتهمش هاد التراجعات الكبيرة فحرية الصحافة والمؤشرات تدل على ذلك.