الرئيسية > آش واقع > إنفراد.. زوجة الصحفي بوعشرين في حوار حصري مع “كود”: توفيق ماشي فوق القانون ومتضامنة معه الف بالمائة وما عمر الكاميرات كانو عندو وحتى داك لبنات بقاو فيا وقضية اجراءات الطلاق غير اشاعة
13/03/2018 08:05 آش واقع

إنفراد.. زوجة الصحفي بوعشرين في حوار حصري مع “كود”: توفيق ماشي فوق القانون ومتضامنة معه الف بالمائة وما عمر الكاميرات كانو عندو وحتى داك لبنات بقاو فيا وقضية اجراءات الطلاق غير اشاعة

إنفراد.. زوجة الصحفي بوعشرين في حوار حصري مع “كود”: توفيق ماشي فوق القانون ومتضامنة معه الف بالمائة وما عمر الكاميرات كانو عندو وحتى داك لبنات بقاو فيا وقضية اجراءات الطلاق غير اشاعة

حاورها عمـر المزيـن – الرباط ////

خصّت اسماء زوجة الصحفي توفيق بوعشرين، ناشر يومية “أخبار اليوم المغربية”، وموقع “اليوم24″، “كود” بحوار حصري تروي من خلاله عن موقفها من اعتقال زوجها، معلنة عن تضامنها المطلق معه.

—-
كود: لالة أسماء شنو بان ليك فقضية الزميل توفيق؟

اسماء زوجة توفيق بوعشرين: بطبيعة الحال أنا متضامنة مع زوجي ألف في المائة وهادشي مداخلش ليا فراسي لكن ما أطالب به الآن هو تحقيق دقيق وغادي يكون فصالح زوجي وفصالح الضحايا وزوجي ماشي فوق القانون وماشي تحت القانون والمسطرة خاصها تمشي قانونية وخاص هاد السيدات يتواجهو مع توفيق ماشي لحفظ حقوق زوجي فقط بل لحفظ حقوهن حتى هوما.

كود: كيف عايشة مع هاد الضجة الإعلامية اللّي كترافق قضية زوجك توفيق؟

اسماء زوجة توفيق بوعشرين: بكل صراحة سّي عمر كاين الغموض واللّبس والترويج لإشعات كدّير فقط التشويش وصافي وهادشي لا يضرني وأنا عارفة راسي وعارفة راجلي توفيق مزيان وما يمكن الحديث عنه اليوم هو خاص تحقيق يكون دقيق باش نتيقو فبلادنا وفالقضاء ديالنا.

كود: زعما هاد الضحايا يكونو مدفوعين أو شنو؟

اسماء زوجة توفيق بوعشرين : لا أعلم وراه هاد لبنات الحال عندهوم عائلات وأنا امرة مغربية بحالهوم ومخاصش يكون التظلم للطرفين ويكون تحقيق فيه وضوح ويجب على القضاء توضيح المسطرة وراه حتى هاد السيدات عندهوم سمعة ومنجيوش نفسدو ليهوم سمعة ونقولو توفيق دار هادشي.

كود: واش بصّح درتي مسطرة ديال الطلاق أو غير هضرا؟

اسماء زوجة توفيق بوعشرين: هادشي كذوب فكذوب ومكاين لا دعوى ديال طلاق لا والو. دبا هادي محنة حنا فيها ومعارفينش غدا شنو جاي ومخاصش الواحد يضرب فالأعراض ديال الناس سواء ديالي أو ديال راجلي أو فالأعراض ديال داك لبنات حتى هوما.

كود: لالة أسماء شنو تقدر تقوليا على داك الفيديوهات التي أكدت الفرقة الوطنية صحّتهم؟

اسماء زوجة توفيق بوعشرين: خاصنا أولاً نعرفو هاد الفيديوهات واش مفبركين أو صحاحين ونعرفو شكون صورهوم حيتاش ميمكنش شي حد يصور راسو فالبيرو بداك الطريقة.. وأنا بعدا خاصهوم يديرو ليا غسيل الدماغ باش نتيق ان توفيق داير الكاميرات.

كود: توفيق عندو الكاميرات فالبيرو؟

اسماء زوجة توفيق بوعشرين: لالا أبدا مل عمر توفيق كانت عندو شي كاميرا فالمكتب ديالو وهادشي فيه لبس كبير ودبا اللّي مهم خاص مواجهة بين توفيق وهاد لبنات وكيف يعقل غادي يتحرش بيهوم وغادي يرجعو عندو للمكتب اكثر من مرة راه هادشي مستحيل.

كود: واش “أخبار اليوم” غادي تبقا مستمرة؟

اسماء زوجة توفيق بوعشرين: معمري دخلت فالخدمة ديال راجلي ولا زلت وانا موظفة ف القطاع العام.

موضوعات أخرى