الرئيسية > كود سبور > إنفانتينو مول البالون: ما كاين لا بطاقة زرقا لا والو
03/03/2024 09:00 كود سبور

إنفانتينو مول البالون: ما كاين لا بطاقة زرقا لا والو

إنفانتينو مول البالون: ما كاين لا بطاقة زرقا لا والو

كود سبور//

نفى السويسري جياني إنفانتينو رئيس الاتحاد الدولي لكرة القدم، واش كاين شي مقترح لإضافة بطاقة زرقا للبطاقة الانضباطية ديال التحكيم الصفرا والحمرا، وأكد أن هاد الشي ما كاينش وما غيكونش فالكورة.

وتحدث جياني إينفانتينو رئيس “الفيفا”، وقال فتصريح له: “ما غتكون حتى بطاقة زرقا فبطولة النخبة وهاد الشي ما ممطروحش بالنسبة لنا، الاتحاد الدولي لكرة القدم معارض بشكل كامل للبطاقة الزرقا”.

وكمل مول البالون وقال: “أنا رئيس الفيفا وما سمعت بحتى حاجة على مقترح البطاقة الزرقا وعندنا القرار فمجلس الاتحاد الدولي لكرة القدم وتطبيق البطاقة الزرقا مستحيل”.

وأكد البريزيدون ديال الفيفا: “خاصنا نكونو جادين وحنا ديما منفتحين على المقترحات الجديدة وكنحتارمو گاع الأفكار، ولكن من واجبنا حماية اللعبة وجوهرها وتاريخها وما غتكونش بطاقة زرقا”.

موضوعات أخرى