گود سبور//

غادي يدير السويسري جياني انفانتينو رئيس الاتحاد الدولي لكرة القدم اجتماع فالمغرب، باش يلقى طريقة يخرج بها راسو من الأزمة اللي طايح فيها هاد الأيام، وارتفاع عدد المطالبين بالرحيل ديالو من الفيفا.

وحسب جريدة “التايمز”، قرر رئيس جياني انفانتينو يدير اجتماع عاجل غدا الأربعاء فمقر الاتحاد الدولي فالمغرب، مع عدد من كبار المسؤولين فالفيفا فمحاولة باش يعتق منصب الرئاسة.

شبكة “Sky Sport” كشفت أن موظفي الفيفا تطلب منهم يجيو للرباط باش يحضرو هذا الاجتماع.

وتزايدت المطالب برحيل انفانتينو على الفيفا، والمعارضين له غاديين وكايتزادو، خصوصا بعدما اقترح مشروع تحويل كاس العالم لشركة وبيع أسهمها لمستثمرين.