گود سبور//
أكد الطالياني كارلو انشيلوتي مدرب منتخب البرازيل، أنه واجد لمواجهة المنتخب الوطني المغربي فماتش الجولة الأولى من دور مجموعات مونديال 2026.
وفتصريح له بعد رباح البرازيل على مصر بجوج لواحد فماتش ودي، قال كارلو انشيلوتي: “حسمت فالتكشلية باش غادي نلعب ضد المغرب، أما التغييرات اللي درت هي غير روتوش صغيرة، وكلشي واضح عندي”.
وكمل انشيلوتي وقال: “فينيسيوس ورافينيا كثنائي دارو مستوى مزيان بزاف، وانسجمو وخلقو فرص فالهجوم، والمشاركة ديالهم كانت مزيانة بزاف”.
ولاعب المنتخب الوطني المغربي ضد منتخب البرازيل يوم 13 يونيو فنيوجيرسي، فماتش هو قمة المجموعة الثالثة، واللي غادي يربح فيه غايبدا مزيان المونديال.
