عن ناتر ايكولودجي اند ريڤولشون///

كشفت دراسة جديدة نشرتها مجلة Nature Ecology &” Evolution” ف29 أبريل، ان الانسان فالعصر الحجري كان عندو نظام غدائي كيعتمد فيه على النباتات اكثر من اللحوم على عكس ماكان سائد. فحص فريق دولي من الباحثين البصمات الكيميائية اللي كاينة فسنان وعظام سبعة أشخاص لقاوها فالمغرب فمغارة الحمام تافوغالت كترجع تقريبا 15 الف سنة، كانو معروفين بما يسمى بالحضارة الأيبيروموروسية.

وأشارت المجلة أن الدراسة عطات معلومات جديدة لأول مرة نظرا لندرة البقايا البشرية المحفوظة جيدا من مواقع العصر الحجري القديم، وبالتالي كاينين غير معلومات قليلة على العادات الغذائية للمجموعات البشرية فعصر ما قبل الزراعة.” واظهرت الاستنتاجات الرئيسية للدراسة بوضوح أن النظام الغذائي عند البشرية فعصر ما قبل الزراعة كانت فيه نسبة كبيرة من النباتات ديال البحر الأبيض المتوسط، واللي سبقات ظهور الزراعة بألاف السنين، وحسب الدراسة، بقايا النباتية الأثرية فمنطقة تافوغالت فحال الݣرݣاع والصنوبر …كتدعم الفكرة.