گود سبور//

اعترف الطالياني سيميوني إنزاگي مدرب الهلال السعودي، بالدور الكبير اللي عند الدولي المغربي ياسين بونو فالفريق، وهاذ الشي بعدما ساهم فخروج الهلال بتعادل ثمين ومهم أمام ريال مدريد الإسباني الأربعاء فالميريكان.

وفتصريح له بعد نهاية ماتش الهلال وريال مدريد بنتيجة التعادل الإيجابي واحد لواحد، قال انزاگي إن الفريق ديالو بين يدين امينة وهذا الشي على ياسين بونو.

ووضح انزاگي وقال: “ديما كايعطينا الراحة وكايخلينا نحسو بها، حياتي كاملة كمدرب كان عندي الزهر فگوال كبار وواعرين وبونو واحد منهم”.

ونجح ياسين بونو وعتق الهلال من الخسران بعدما حبس بينالتي لفريديريكو فالفيردي فاللحظات الأخيرة، وكان غايكون الهدف الثاني ديال ريال مدريد باش غايربحو، ولكن حرمهم منو.