كريم الصوفي – كود//
قالت جريدة “إل بويبلو دي ثيوتا”، أن البوطات ديال الگاز المغربية المتخلى عنها فشوارع مدينة سبتة ولات مشكلة بيئية حقيقية وكتشكل خطر على حياة المواطنين، بعد الحرائق اللي تسبات فيها مؤخرا سوا بالليل او بالنهار كما طرى السبت الفايت بعدما شعلات العافية ف ماطلا مرمية ف بركاصة. هاذ الجيست لي كلو خطر وسلوك غير قانوني، اثار استنكار رجال الإطفاء في المدينة
وذكرت تقارير محلية قبل عدة أشهر، أن دائرة مكافحة الحرائق والإنقاذ ف مدينة سبتة، جمعو كثر المئات من بوطات الگاز اللي لقاوها مليوحة ف الزناقي، كاينة اللي عامرة حتال النص واللي خاوية. سكان سبتة كانو كيشريو البوطات ديال الگاز المغربية بسبب الفارق الكبير ف الثمن ديالها بين المغرب والصبليون، ومع استمرار إغلاق الحدود، تهناو من الخاوي لي عندهم ولاحوه في الزناقي، وكاينة تقارير أخرى كتقول ان عدد بوطات الگاز المغربية في سبتة هو 6000 بوطة.
https://elpueblodeceuta.es/art/66969/la-bombonas-de-marruecos-un-grave-problema
