وكالات//

كتزاوك الفنانة اللبنانية إليسا، القضاء في بلادها، باش يرجع ليها حقها كيفما كتقول بعدما داو ليها قناة ديالها على “يوتيوب”.

ونشرات المغنية اللبنانية بزاف ديال لي بوسط على لي كونط ديالها ف السوشيال ميديا كتشرح فيها التفاصيل ديال القضية وكتقول انهم سرقو ليها القناة ديالها على “يوتيوب” وكتتهم نيشان واحد الشركة.

إليسا وجهات البوسط ديالها لرئيس مجلس القضاء الأعلى، ومدعي عام التمييز، كتقوليهم كيف ممكن ناخد حقي من لبنان بعدما دات ليا هاد الشركة القناة ديالي ومابغاتش ترجعو ليا واخا خرج قرار قضائي.

وقالت اليسا ان القضاء نصفها وحكم على الشركة انها تعطيها القناة ديالها ولكن هاد الأخيرة ماعطاتهاش ليها.

البوسطات ديال اليسا كعاو عدد كبير من العشاق ديالها ولي حتى هوما تضامنو معاها وطالبو السلطات يرجعو للسيدة القناة ديالها.