كود سبور//

رجع اللاعب المغربي الشاب إلياس حسني يلعب ففرنسا، بعدما دوز تجربة متواضعة الموسم الماضي فقطر.

إلياس حسني المهاجم مول الـ19 عام، صيفطوه باريس سان جرمان هذه المرة إعارة إلى فريق لوهافر اللي فيه المغربيين ياسين كيشطا وأسامة تيرغالين، وعايلعب معهم موسم واحد بريطي.

ومعول إلياس حسني من هذه التجربة الجديدة مع لوهافر الفرنسي، باش يرجع للنيفو ديالو خصوصا وأن الموهبة ديالو كانت كاتعجب بزاف من المتتبعين له، قبل ما يمشي بريطي للسد القطري فتجربة كانت متواضعة وتراجع فيها مستواه.