كود سبور//

حاطين البارسا الإسباني العين على الدولي المغربي إلياس بنصغير نجم موناكو الفرنسي، واستعدادا للتوقيع معه مستقبلا حسب ما كشف عليه الإعلام الإسباني.

وقالت جريدة “موندو ديبورتيفو” الإسباني القريبة من البارسا، إن النادي عندو وضع اقتصادي معقد، وهذا هو السبب اللي مخلي الاستراتيجية ديالو تركز فسوف الانتقالات على تطعيم الفريق بالمواهب الشابة  سوا اللي طالعين من لاماسيا أكاديمية النادي، او اللاعبين الصغار اللي كايبانو بفرق اخرى صغيرة مازال ما سناوش مع فرق منافسة، وأن ضمن هذه الاستراتيجية كاين اسم إلياس بنصغير جناح موناكو الفرنسي.

ويعتبر إلياس بنصغير مول 19 عام، من المواهب اللي ينتظر منها تتألق خلال السنوات المقبلة فالتيرانات الأوروبية، خصوصا وأن اللاعب بين ملي طلع للفريق الأول ديال موناكو أن عندو إمكانيات كبيرة بزاف، المتتبعين للكورة بأوروبا كايتوقعوه يمشي لفريق أوروبي كبير.