كود سبور//

دار الدولي المغربي إلياس أخوماش عملية جراحية، اليوم الجمعة فالصبليون بعد الاصابة اللي تعرض مع الفريق ديالو فياريال الاسباني.

وحسب نادي فياريال، فإلياس أخوماش دار العملية على الركبة اليمنى ديالو، بعدما تقطعو ليگامون، والعملية دارها لها طبيب صبليوني الاسم ديالو خوان كارليس فمدينة برشلونة بتنسيق مع الطاقم الطبي لفياريال.

ودابا غايبقى إلياس أخوماش متبع الدوا وراحة ومن وراها يدخل مرحلة التأهيل البدني، باش يقدر يرجع يلعب مع فياريال والمنتخب المغربي، اللي كان معول يلعب معه ضد الگابون اليوم الجمعة وليسوتو الاثنين المقبل، ضمن اقصائيات كاس افريقيا2025، ولكن الاصابة حرماتو من المشاركة.