كود سبور//

كشف الدولي المغربي إلياس اخوماش نجم فياريال الإسباني، انه داز من وقت صعيب ملي توعت، ودخل فمرحلة نفسية خايبة.

وخلال حوار دارو إلياس أخوماش مع القناة الرسمي لنادي فياريال الاسباني، قال النجم المغربي انه عاش ايام صعيبة ملي توعت، وجاه اكتئاب، لدرجة انه ما بقات عندو رغبة يدير والو وان الوضع كان سيئ بزاف خلال الأسبوعين الاولين من ورا الاصابة.

النجم المغربي وضح انه قدر يخرج من هذه الحالة الصعبة بالمساندة ديالو عائلتو وخوه، وانه دابا في حال احسن بزاف من الوقت اللي فات، وان هذه التجربة غاتعاونو بزاف فحياتو.

وصورت قناة فياريال الاسباني مع إلياس أخوماش وهو كايتريني فلاصال وكايدير تمارين رياضية لتقوية العضلات ديالو، وهذا الشي بعدما خضع لعملية جراحية فالركبة قبل حوالي 3 اشهر، بسبب الاصابة اللي سالات له الموسم.