كود سبور//

ما بقاوش الرجاء الرياضي غايلعبو ضد الترجي التونسي، فالمعسكر التدريبي ديال الفريق الاخضر فتونس، هو المعسكر اللي بدا البارح الثلاثاء.

وحسب مصادر مطلعة فتقرر إلغاء الماتش الودي بين الرجاء الرياضي والترجي التونسي الودي اللي كان مبرمج يوم 3 غشت الجاي، بسبب بعد المسافة بين مدينة طبرقة التونسية فين كاين معسكر الرجا والعاصمة التونسية تونس، وما كايناش النقل بالطيارة، وهذا الشي اللي اضطرّ الرجا للاعتذار.

ومن المنتظر تعوض ادارة الرجاء الرياضي إلغاء الماتش الودي ضد الترجي التونسي، باجراء ماتش امام احد الاندية القريبة من معسكر الفريق فتونس.