كود سبور//

دارت ادارة المغرب التطواني والحارس الدولي للفريق رضا التگناوتي مبادرة زوينة تجاه الطفل من ذوي الاحتياجات الخاصة اللي منعو مندوب ماتش الفريق ضد اتحاد التواركة الجمعة الماضي من دخول ارضية ملعب سانية الرمل قبل انطلاق المباراة باش يتصور مع اللاعبين.

وبادرت ادارة المغرب التطواني ورضا التكناوتي إلى استقبال الطفل طه، وتلقاو معه وخداو له صور تذكارية مع الحارس الدولي، ودخلو الفرحة على القلب ديالو في التفاتة إنسانية من النادي واللاعب تجاه الطفل.

وكانت خلفت صورة مندوب ماتش المغرب التطواني واتحاد التواركة وهو كايحبس الطفل اللي كان داخل مع اللاعب إلى التيران، استياء كبير عند الحماهير والرأي العام الرياضي المغربي.