الرئيسية > آش واقع > “إلترا” عسكري عندو اليقين: جدارمية عين حرودة وشركة لوطوروت وصحافيين هوما سباب أحداث ماتش الوداد والجيش
26/09/2019 12:00 آش واقع

“إلترا” عسكري عندو اليقين: جدارمية عين حرودة وشركة لوطوروت وصحافيين هوما سباب أحداث ماتش الوداد والجيش

“إلترا” عسكري عندو اليقين: جدارمية عين حرودة وشركة لوطوروت وصحافيين هوما سباب أحداث ماتش الوداد والجيش

مصطفى الشاذلي – كود سبور//

ألترا عسكري، المساند الجيش الملكي عبر على موقفو من إحداث الشغب، لي وقعات قبل الماتش ديال الوداد البيضاوي والجيش الملكي نهار الثلاث فملعب مركب محمد الخامس في الدار البيضاء، ضمن سدس عشر نهائي كأس العرش.

إلترا عسكري صدر بلاغ على الاعتداءات، لي وقعات فالطريق السيار ومنطقة الهراويبن، وكشف فيه على هوية الأطراف، لي كيحملها المسؤولية فهاد الشغب كامل.

هاد الفصيل أكد بلي الأحداث انطلقت قبل الماتش بخمس ايام من خلال تهييج القاصرين، والنتيجة راحنا شفناها فلوطوروت الحجر والعصي والتعدو على الغير بدون وجه حق، وهادشي ما شي شغب ولا جريمة ولكن رآه عمل إرهابي، لي خطط ليه ما كانش في مسرح الأحداث.

حنا كمجموعة ديال الألترات عسكري كنحملوا المسؤولية لجدارمية ديال عين حرودة، لأن هوما لي خلا الجمهور يمشي على لوطوروت ديال شرق الدار البيضاء. وهادشي كيبين سوء التنسيق بين البوليس وجدارمية.

الشركة الوطنية ديال لوطوروت حتا هي مسؤولة، لأنها مامسيجاش القناطر ديال الطريق.

فصيل ألترا عسكري حمل المسؤولية كذلك للإعلام عامة، وبالخصوص هسبريس وشوف تيفي وراديو مارس. وهادشي خاص الجمعيات لي عندها الصفة القانونية تحرك وتدير خدمتها، ورفع الأمر للنيابة العامة قصد النظر في الأمر واستدعاء كل من يستغل انتمائه الرياضي للترويج المغالطات تخدم مصالح جمهوره وهم معروفون بالأسماء والأدلة.

لهذا خاص الجمهور العسكري يخدم عقلو مزيان وما يمشيش ورا هادشي بحال يكون عندو مثلا رد الفعل فالماتشات جاية، لأن رد الفعل غالبا ما يكون في حق ضحايا أبرياء.

موضوعات أخرى

22/10/2019 15:11

أنا غاضب منكم يا سلفيي موقع “هوية بريس”! هل هذا جزائي أيها الزملاء السلفيون. وبجدية. وبنظرات شزراء. تتهمونني بتكفير أحمد الريسوني

22/10/2019 14:41

ألماني يرونها فابتدائية أكادير. تعرا داخل المبنى ووقف قدام الناس كما ولداتو مو وخلا كلشي كيتجارا.. وها علاش دار هاد الفضيحة