الرئيسية > تبركيك > إلترا الوداد والرجاء دارو بلاغ مشترك بعد المواجهات اللي وقعات فـ دار بوعزة: ولينا كانشوفو أحداث بلاصة ما تحيينا كتقتلنا وهادشي مامقبولش
01/12/2021 14:00 تبركيك

إلترا الوداد والرجاء دارو بلاغ مشترك بعد المواجهات اللي وقعات فـ دار بوعزة: ولينا كانشوفو أحداث بلاصة ما تحيينا كتقتلنا وهادشي مامقبولش

إلترا الوداد والرجاء دارو بلاغ مشترك بعد المواجهات اللي وقعات فـ دار بوعزة: ولينا كانشوفو أحداث بلاصة ما تحيينا كتقتلنا وهادشي مامقبولش

مصطفى الشاذلي – كود سبور //

“إلترا” الوداد والرجاء دارو بلاغ مشترك بعد أحداث العنف فدار بوعزة.

فصيلا “كورفا سود”، المساندة للرجاء، و”كورفا نور” المساندة للوداد الرياضي أصدروا بلاغا استنكاريا حمل رسائل كثيرة لمشجعي الفريقين.

وجاء فيه “من ديما كانتغناو بلي الحركية كانت هي المتنفس وهي اللي كاتخلينا نعيشو الشغف ديالنا بما يرضي الله. إلا أننا مؤخرا ولينا كانشوفواد أحداث لا علاقة ليها بالحركية ولات عوض أنها تحيينا كتقتلنا، أحداث اللي أي عضو أولترا مايمكنش يقبل بيها ومايمكنش يسمح ليها تولي جزء من الموفمون اللي كانعيشوه”.

https://m.facebook.com/story.php?story_fbid=4550752684961044&id=125107017525655&m_entstream_source=timeline&refid=52&__tn__=-R

وأضاف “حيث الموفمون أكبر وأنقى من أنه يتوسخ بتصرفات بحال هادي ويتلطخ بدماء العقاب ديالها قدام الخالق صعيب نتصوروه. قلنا ومزال غا نقولو بللي المنافسة خصها تبقى فالتيران، بلي المنافسة خصها تكون شريفة حيث هاداك هو السبيل الوحيد باش نحافظو على حركية نقية، باش نعيشوا شغف بلا شغب، باش الوالدين يبقاو هانيين على أولادهم وباش الدم يبقى كايجري فالعروق عوض يسيل من الجرح.. وماشي كَاع الجروح كايتخيطو”.

وزاد ذات البلاغ موضحا “حنا كلنا ملزومين باش نتاقيو الله فبعضياتنا وفريوسنا ووالدينا. الكَروبات حاولو و مزال كيحاولو يديروا قطيعة مع أعمال الشغب اللي كتجرنا لحوايج تا واحد فينا ما باغيها، و لكن كل مرة كانلقاو بللي اللي درناه ماكافيش”.

وجاء فيه أيضا “هادشي علاش هاد المرة خصنا نكونو أكثر صرامة وأكثر مسؤولية من قبل ونلتزمو التزام حقيقي بالقرارات اللي غادي نخرجو بيها فالمستقبل القريب. خص الأعضاء من جهتهم كذلك يثبتو بللي أحداث الشغب ما هي إلا استثناء وماشي قاعدة فالحياة ديال المومبر والتعبير ديالهم على الانتماء للكَروب مايكونش بالبرودويات فقط ويكون بتطبيق الأمور اللي غانتفقو عليها إيلا كنا بصح بغينا نكونوا فأجواء اللي تنقي وتخلينا نعيشوا الموفمون أولترا ماشي يقتلنا موفمون ماعرفناه شنو هو”.

موضوعات أخرى

19/01/2022 22:00

المغربي اللي ربح جائزة “نازا” لتطبيقات الفضاء: استافدنا من المبادرات اللي تدارت لمحاربة النفايات البلاستيكية ودبا خدامين على تطوير مشروعنا فهاد الضومين