كود -وكالات//

الصهد والحرنة مكياثرو غير على البشر بوحدهم، ولكن حتى الحيوانات الصغيرة وعلى رأسهم القنافد لي كيعانيو وكتكون حياتهم فخطر حقيقي فالصيف.

القنفود، هاد الكائن الكيوت ولي مكيقدرش على الحرارة  بسبب نقص الما لي ولا فالطبيعة،حتى الما اللي كان كياخدو بطريقة غير مباشرة من الماكلة ديالو كيتحرم منو، حيت الحشرات والديدان كيهبطو تحت الأرض وماكيبقاوش يبانو فالسخونية،هاد النقص  فالسوائل كيخلي جسم القنفود الصغير يسخف ويسخن بزاف.

باش نعرفو بلي القنفود  واصلة فيه العظم ومحتاج الما ، كاينين هو مني كنشوفوه خارج كيدور بالنهار وتحت الشمش ، وهادي حاجة غريبة حيت القنافذ حيوانات ليلية ماكتخرجش حتى يطيح الظلام،ولا بانت ليك عينيه غارقة ومابقاش قادر يتجمع ويتكور على راسو كيف ديما، عرف بلي هاداك نداء استغاثة صامت وبلي العطش والصهد غادي يقتلوه.

داكشي علاش مزيان نعمرو ليه شوية الما قدام الباب او جردة ، أما الحليب ممنوع نهائياً على القنفود حيت كيدير ليه إسهال حاد ويقدر يقتلو.