الرئيسية > آش واقع > إقبال كبير على مراكز التلقيح فـ جهة الشرق.. والمدير الجهوي للصحة ماجاوبش على اتصالات “كَود”
28/07/2021 20:10 آش واقع

إقبال كبير على مراكز التلقيح فـ جهة الشرق.. والمدير الجهوي للصحة ماجاوبش على اتصالات “كَود”

إقبال كبير على مراكز التلقيح فـ جهة الشرق.. والمدير الجهوي للصحة ماجاوبش على اتصالات “كَود”

كمال لمريني – كود وجدة //

عرفات مراكز التلقيح فـ عدد من مدن الجهة الشرقية، إقبال كبير من مختلف الفئات العمرية المستهدفة، لدرجة أن الأطر الطبية والتمريضية ولات كاتشعر بالإرهاق، بفعل الإقبال الكبير على هذه المراكز الصحية، سميا وأن الفئة العمرية ما بين 30 و 35 متحمسة وباغيا تاخد الفاكسان ضد كورونا.

وقال عدد الشباب اللي دارو الجلبة في تصريحاتهم لـ”كَود”، أن مراكز التلقيح كاتعرف إقبال كبير، وأنهم جاو يديرو الفاكسان من أجل تقوية المناعة نتاعهم والمساهمة في إنجاح عملية التلقيح وفي التصدي لانتشار فيروس كورونا المستجد، خصوصا فهاد الفترة اللي عرفات زيادة فعدد الإصابات مع دخول السلالة الجديدة “دلطا” لبلادنا.

وحسب نفس الشبان اللي خداو الجلبة فـ أحد المراكز الصحية بمدينة زايو، فان الإقبال كان كبير وأن السونطر كان فيه الزحام، لكن بالرغم من كلشي الأمور دازت مزيان.

وحاول موقع “كَود” الاتصال المدير الجهوي ديال وزارة الصحة بالشرق، للحديث عن هاد الأمر و الإدلاء بأرقام عدد الأشخاص اللي فداو الفاكسان على مستوى الجهة الشرقية، إلا أن التليفون نتاعو بقا كايصوني بلا جواب.

موضوعات أخرى

20/09/2021 18:00

هل هذا هو الجزاء الذي يستحقه الاتحاد الاشتراكي! كم أساء هذا الحزب لنفسه من أجلكم. وكم ضحى بسمعته. وفي النهاية تستكثرون عليه مشاركة في الحكومة

20/09/2021 17:00

لشكر قافز فالسياسة. باوراق قليلة رون التحالف الثلاثي بين لحمامة والتراكتور والميزان. معادلتو: اما الحكومة او مشات ليكم عمودية الرباط وجهة كليميم